Litunet
Høgt oppe i lia, med panoramautsikt over Hylsfjorden i Suldal, ligg garden Li – nesten 300 stupbratte meter opp frå fjorden.
Adresse
Valskårvegen 347, Hylsfjorden
Litunet
Høgt oppe i lia, med panoramautsikt over Hylsfjorden i Suldal, ligg garden Li – nesten 300 stupbratte meter opp frå fjorden.
I gardstunet er det 13 bygningar frå 1700- og 1800-talet, som rommer mykje gamalt gjenstandsmateriale. Samansettinga av bygningar til ulike formål gir tunet eit middelalderpreg, samstundes som bygningane er reist ved hjelp av handverkstradisjonar som peikar langt tilbake i historia. Tunet er blant dei mest verneverdige gardstuna i denne delen av landet, og er såleis av nasjonal interesse. Riksantikvaren freda Litunet i 1974.
Landskapet rundt Li er eit karakteristisk vestlandsk kulturlandskap med små åkerlappar, steingjerde og rydningsrøyser.
Kom gjerne innom tunet utanom opningstid og nyt nista mens du ser utover Hylsfjorden.
Tilkomst
Vegen til Li ligg mellom Sand og Suldalsosen. Ta av frå riksveg 13 når du ser skiltet mot Valskår. Køyr på denne vegen til du ser skiltet mot Li. Me gjer merksam på at vegen er smal, men er verd å køyre for å oppleve denne spektakulære staden!
Nede ved fjorden ligg naustet til Litunet. Det er skilta til naustet. Har ein båt, kan ein leggje til ved kaien og gå/klyve opp lia til Litunet. Obs! Det er veldig bratt så ein må ha gode sko
Litunet
Hendingar
Litunet
Leikefjøset
Leik deg gjennom ulike tradisjonelle driftsoppgåver som til dømes stell av dyr, mjølking og ysting. Eit kjekt tilbod for barnefamilien og andre med interesse for gardsdrift og læring gjennom leik.
Litunet
På sporet av historia
Gå på oppdaging mellom dei gamla husa på jakt etter fortida sine spor. Bli med inn om skjulte sider av dei historiske bygningane, der generasjonar av tidlegare bebuarar har rissa inn figurar, tal og magiske teikn.
Litunet
Hylsfjorden – eit kulturlandskap gjennom tida
Utforsk den rike historia til Hylsfjorden, også kjent som «sølvkannestranda», ei historisk ferdselsåre mellom aust og vest og heim til mellom andre nynorskaktivisten og barnebokforfattaren Rasmus Løland.