![](https://ryfylkemuseet.imgix.net/2024/05/BRVnasW-scaled.jpg?auto=format%2Ccompress&crop=faces&h=1024&ixlib=php-2.1.1&w=1024)
Nesasjøhuset
Nesasjøhuset er hovudsetet til Ryfylkemuseet. Huset ligg flott til i Nordenden på den autentiske/idylliske strandstaden Sand. Sand ligg langs Nasjonal Turistvei Ryfylke i Skattkammeret Suldal midt i Ryfylke
Adresse
Nordenden 14, Sand
Opningstider
Ope tysdag til sundag 10.00-15.00 til og med 1. september 2024
Prisar
Vaksen 100,- Born iflg med vaksen gratis
Sjøhuset blei bygd i dei gode sildeåra kring 1850. Her blei nøter og båtar lagra og silda salta. Seinare har huset vore brukt som tønnefabrikk og til ulike lagerformål. Ryfylkemuseet flytta inn i huset i 1991
Her er det utstillingar, museumsbutikk, ein kafé og ei rekke arrangement gjennom året.
Museumsbutikk
I første etasje er det ein flott museumsbutikk med eit godt utval av lokalhistorisk litteratur, lokale handverksprodukt, leiker og honning og mykje meir (du kan og bestille nokre av bøkene våre i nettbutikken)
Kafé
På Nesasjøhuset er det ein fin kafé med utsikt mot Sand og fjorden. Her kan du kjøpe varm drikke og iskrem.
Brødrene af Sand
I sommarsesongen ligg jekta Brødrene af Sand utanfor museet dersom ho ikkje er på tur. Jekta blir på folkemunne berre kalla Brødrene.
![IMG_9056](https://ryfylkemuseet.imgix.net/2024/05/IMG_9056-scaled.jpg?auto=format%2Ccompress&crop=faces&fit=crop&h=768&ixlib=php-2.1.1&w=1024)
![FOLK-I-RYFYLKE-2016-artikkel2](https://ryfylkemuseet.imgix.net/2024/05/FOLK-I-RYFYLKE-2016-artikkel2.jpg?auto=format%2Ccompress&crop=faces&fit=crop&h=300&ixlib=php-2.1.1&w=300)
Utstillingane
I 2. og 3. etasje har me både skiftande og faste utstillingar. Det flotte, ljose rommet i 2. etasje blir og bruka til konsertar og andre arrangement.
Skiftande utstilling
I 2. etasje har me skiftande utstillingar.
Kvitebjørnen
I 3. etasje har me Kvitebjørnen. Ei interaktiv utstilling for barn som inviterer til leik og fantasi. Utstillinga byggjer på ei forteljing av den lokale forfattaren Rasmus Løland (1861-1907). Løland er ein av dei viktigaste forfattarane innan nynorsk barnelitteratur. I utstillinga møter barna ei eventyrverd der dei kan vandre gjennom forteljinga, kle seg ut, klatre i borger, leika konge i speglsalen, lage dyr av kongler og kvister eller setje seg ned å lese ei bok.
Nesasjøhuset
Hendingar
![Nesasjøhuset](https://ryfylkemuseet-bilberry.imgix.net/planposts/122/BRVnasW.jpg?w=600&h=400&fit=crop&auto=format)
Nesasjøhuset
Nesasjøhuset
I Nesasjøhuset finn ein Kvitebjørnen (utstilling for barn) i 3. etasje, i 2. etasje har me omskiftande utstillingar (no KlimaKlokt) og i 1. etasje ligg museumsbutikken der ein og kan få kjøpt lokalhistorisk litteratur, handverksprodukt av lokale handverkerar, kaffi og is.
Du finn óg ein liten bygningsvernsbutikk med linoljeprodukt, samt litteratur om bygningsvern.