Folk på Fredag – 7. nov. – Aasmund Nordstoga (song), Anders Hana (munnharpe) + HENDERSON & PÉREZ (NO/UK/SV)

Folk på fredag er eit samarbeid mellom Kulturhuset i Suldal, Ryfylkemuseet og Drøs mat- og kaffebar. Konsertserien er støtta av Norsk kulturråd.

Kjøp billett på førehand på suldal.kulturhus.no

kl 19.00: DRØS opnar

kl 20.00: Konsertar: Aasmund Nordstoga (song), Anders Hana (munnharpe) + HENDERSON & PÉREZ (NO/UK/SV)

Musikalsk vert: Mark Laurenson

Etter konsertane: Jam, prat og mat

————————————————————–

KAVALKADE M/NORDSTOGA, HANA m.fl

7. – 9. november er det Folkemusikk- og dansehelg på Mo Laksegard, der rogalendingar møtest for å læra seg nye triks og ferdigheiter på ulike folkemusikkinstrument og på dansegolvet. I kveld får me høyra to av instruktørane; Aasmund Nordstoga frå Vinje (song) og Anders Hana frå Stavanger (munnharpe) i solo framføringar. Kanskje blir det også nokre overraskingar, – denne kvelden kan i grunn alt skje!

HENDERSON & PÉREZ (NO/UK/SV)

Kevin Henderson (fele), Mattias Pérez (gitar, mandola)

Henderson & Pérez gir oss feletradisjonar frå Shetland med humor, humør og kjemi. Her er det lidenskap for musikken, engasjert formidling ispedd nokre røvarhistorier, og solid samspel.

Kevin kjem frå Shetland, kor me finn ein av dei rikaste tradisjonane for felemusikk i verda. Kevin er også ein av dei mest spanande og fengslande felespelarar ein kan få på scena. Han er ein etterspurd musikar og spelar saman med fire høgprofilerte grupper som han turnerer heile verda med; Fiddlers Bid, Boys of the Lough, Session A9 og The Nordic Fiddlers Bloc.

I 2011 ga Kevin ut debutalbumet sitt, «Fin Da Laand Ageen», til svært gode kritikkar. Albumet hylla Shetland sin tradisjonelle felemusikk og med seg hadde han gitaristen Mattias Pérez frå Sverige på gitar og mandola. Mattias er kjend for det kjenslevare og oppfinnsame spelet sitt, og har etablert ein solid karriere som gitarist og akkompagnatør både i Sverige og resten av verda.

Responsen debutalbumet fekk, førte til eit varig samarbeid for duoen. «Denne samlinga illustrerer vakkert og på ein diskré måte korleis tradisjonelle melodiar berre treng å spelast, ikkje leikast med, for å bevara aktualiteten, sjarmen og krafta si. Henderson spelar lett og med ein grasiøsitet som hentar fram tallause kvalitetar … ei nedskalert forførande perle.» – The Sunday Herald

____________________________

DRØS held ope og serverer fredagsdrikke og heimelaga mat etter ønskje.

__________________________________

Har du spørsmål om konsertane/Folk på fredag, kontakt Åshild på tlf 97503463.

MEIR FOLK PÅ FREDAG:

Sesong 2026 er under planlegging!

____________________________________

Folk på fredag er eit samarbeid mellom Kulturhuset i Suldal, Ryfylkemuseet og Drøs matbar og kaffebar. Konsertserien er støtta av Norsk kulturråd.