FOLK PÅ FREDAG

Folk på Fredag er denne helga del av «Ryfylkefestival for kultur og tradisjon».

Etter konsertane: Jam, tull, prat og mat! Den som vil kan klemma og dansa fredagspolka!!

Som publikum på festivalen kan ein i tillegg få med seg Folkemusikk- og dansehelg på Mo Laksegard, Kulturkafé for alle og ulike kurs innan handverk. Ryfylkemuseet held også ope i sjøhuset på Strandanes der MS Suldal (Dampen) står og Ryfylkemuseet sine bygg i Nordenden er opne.

Har du spørsmål om konsertane/Folk på fredag, kontakt Åshild på tlf 97503463.

Folk på Fredag er eit samarbeid mellom Suldal kulturhus, Ryfylkemuseet og BRUNSJ.

MEIR FOLK PÅ FREDAG?

Ny sesong er under planlegging!

GEITUNGEN

Vidar Skrede (hardingfele, fele og gitar), Olav Christer Rossebø (fele, mandolin, mandola og gitar), Håvard Ims (toradar)

Geitungen feirar 25 år som band med seks eksklusive konsertar i Norge, og ein av dei fekk me! Uttrykket er enkelt og musikken spenner seg frå lun og varm masurka til heite og yppande hopsarar og syrlege valsar. Gjennom det lunefulle og eggande spelet sitt, tar Geitungen lyttaren med tilbake i tid, langt ut til dei halvmørke dansegolva i dei litt meir festlege delane av utkant-Rogaland.

LADY HARDANGER

Ingeleiv Berstad (vokal, fele), Anne Lise Frøkedal (vokal, gitar), Olav Christer Rossebø (fele, mandolin, vokal), Ingemund Askeland (banjo munnspel, vokal)

Lady Hardanger reiste frå Vestlandet, ramla i gumbogryta i Louisiana og fann vakre popviser i undergrunnen i Berlin. Slik enda dei opp med å spela ei frisinna blanding av cajunmusikk, old time, calypso, pop og norsk tradisjonsmusikk. “Lady Hardanger er i utgangspunktet et bandnavn fra himmelen, og sånn høres de jammen ut også.” (Dagsavisen). Kvartetten har gleda publikum med tre utgjevingar sidan oppstarten i 2016, og no seinast er dei aktuelle med EP-en “Lady Hardanger Special” (2021). ”Praktfulle folkesanger med alternativ vri.” (Rogaland Avis). «Deilig jordnært» (Stavanger Aftenblad). Bandet er sett saman av musikarar som óg er kjende frå m.a. Frøkedal & Familien, Bergen Mandolinband m.m. Dette blir mest truleg ei kanon av ei avslutning på Folk på fredag, sesong 5!