Vel stad

Suldal
2019 03 01

FOLK på FREDAG: LAurenson+Lundeng Trio

Kulturhuset i Suldal

Startar: 1 mar 2019 | KL 20:00

Sluttar: 1 mar 2019 | KL 00:00

Andre datoer:

22 mar 2019 | KL 20:00 - 00:00

Stad: Kulturhuset i Suldal

Førehandssal av billetter på www.suldal.kulturhus.no

Inngang kr 250,-

Årskort kr 750 (gjeld alle fem konsertar i 2019)

Heile programmet for 2019 blir lansert snart.

 

 

FOLK på FREDAG
Suldal kulturhus
Fredag 1. mars kl 2000

Konsertserie med folkemusikkfavorittar. To artistar og open kafe/bar v/Brunsj, + jam og/eller dans mot dei små timar – fire gonger i året.

Musikalsk vert: Mark Laurenson.

 

kl 1830: Dørene opnar, og Brunsj opnar serveringa (meir info om meny kjem)
kl 2000: Konsertar; MARK LAURENSON og SUSANNE LUNDENG TRIO

Etter konsertane: Jam, tull og prat, Brunsj serverer fredagsmat og fredagspils og anna god drikke, og du kan dansa fredagspolka.

 

Inngang kr 250,-
Årskort kr 600 (gjeld alle fire konsertar i 2019)
Heile programmet for 2019 blir lansert snart.

MARK LAURENSON

Mark Laurenson er oppvaksen på Shetland og byrja å spela fele då han var 8 år. No har han slått røter i Suldal og uttrykker seg på brei suldalsdialekt. I Bråtveit har han slått seg til ro med familien på fire. Han jobbar elles som sjølvstendig snekker, og som lydmann og altmuligmann på Kulturhuset. Mark er Folk på fredag sin faste musikalske vert, og i kveld får han tid og rom til å spreia vengjene litt ekstra. Han har med seg ein levande feletradisjon frå Shetland, ein tradisjon som har mykje slektskap til folkemusikken frå Rogaland. Han er glad i å fortelja historier, nokre av dei er sanne også. Resten er eit spørsmål om tru!

__________________________________

SUSANNE LUNDENG TRIO

Susanne Lundeng (fele, vokal), Nils-Olav Johansen (gitar, vokal), Erik Nylander (trommer) og Tor Breivik (lyd).

Lundeng har med forankring i nordnorsk folkemusikk utvikla seg til ein særprega komponist, arrangør og musikalsk fritenkjar, og har m.a. hausta ein Spellemannpris i folkemusikk for utgjevinga si av nordlandsslåttar. Ho er ein av Norges mest meritterte folkemusikarar. For første gong syng ho eigne tekstar, og opnar for nok ei side av seg sjølv. Musikken blir omtalt som drivande melankolsk, nedtona, sår og stormfull. Ein harmonisk villskap som i kombinasjon med Susanne sine ekspressive og energiske sceneopptredenar, får publikum til å skjerpa sansane. Våren 2018 kom Susanne Lundeng ut med sitt tiande album; «Det va nære på» til terningkast 5 frå eit samla norsk pressekorps. Fredrik Wandrup/Dagbladet: «Den nye plata spenner fra sarte viser til partier som hamrer seg inn i kroppen.» Svein Andersen/ Aftenposten: «Lengselen i fela hensetter lytteren i en annen verden der musikken fjerner deg fra hverdagens ståk og gir ro for ettertanke».

__________________________________

BRUNSJ står for sal av mat og god drikke. Meir info kjem!

Alle velkomne, – ta med venner, kollegaer, kjende og kjære til ein avslappande og sosial fredagskveld på kulturhuset i Suldal. Sofaen kan slitast seinare!

Har du spørsmål om konsertane/Folk på fredag, kontakt Åshild på tlf 97503463.

____________________________________

Neste Folk på fredag:

FREDAG 22. mars – Gabriel Fliflet, Berit Opheim og Jorun Marie Kvernberg m/Gullgutane: «Himlaleite»

 

Folk på fredag er eit samarbeid mellom Suldal kulturhus og Folkemusikkarkivet for Rogaland, Ryfylkemuseet.

Bli Medlem