Vel stad

Suldal

FOLK på FREDAG

Kulturhuset i Suldal

Startar: 6 nov 2020 | KL 19:00

Sluttar: 6 nov 2020 | KL 00:00

Stad: Kulturhuset i Suldal

FOLK PÅ FREDAG

Kjøp billettar på www.suldal.kulturhus.no eller i skranken på kulturhuset for 250 kr per konsert.

Kjøp årskort med inngang på alle fem konsertane i 2020 for berre 800 kr.

Følg oss på Facebook: www.facebook.com/folkpaafredag

FOLK på FREDAG – sesongavslutning!

NB: Begrensa tal billettar.
Kjøp på førehand på https://www.suldal.kulturhus.no.
Har du årskort, ring oss og reserver plass.

kl 1900: Dørene og Brunsj opnar
kl 2000: Konsertar: Bergen Mandolinband + Suldalsvatnet Shantykor
Musikalsk vert: Mark Laurenson.

Etter konsertane: Jam, tull og prat, BRUNSJ serverer fredagsmat og god drikke, og du kan dessverre ikkje dansa fredagspolka.
Inngang kr 250,-
———–
Denne kvelden skulle publikum eigentleg fått høyrt ein trio me ikkje nemner namnet på, som er svensk, men som ikkje kunne komma p.g.a. av det de veit som me ikkje treng å snakka meir om. Men, i staden har me fått med oss det ultimate fredagsbandet frå Haugesund; Bergen Mandolinband. Dei er plateaktuelle og dei er i verdsklasse når det kjem til jamming, god stemning og bluegrass på haugesundsdialekt:

BERGEN MANDOLINBAND (BMB)
Olav Christer Rossebø (fele og mandolin)
Gaute M. Sortland (gitar og vokal)
Ingemund Askeland (munnspel og banjo
Kjetil Olai Lundø (kontrabass).

BMB er plateaktuelle med albumet «Korleis hamna me her?», som er den fjerde utgjevinga deira på Grappa. ”Etter sine tre foregående album, og nå dette, er Bergen Mandolinband inne på lista over dem som er aller mest klare for større oppmerksomhet her i landet,” skriv Geir Rakvåg, Dagsavisen. Alle låtane har denne gongen tekstar av vokalist Gaute M. Sortland. Som tittelen på plata avslører, er tekstane nokså forvilla og desperate; «Det flyt overalt, det er vinter og skralt og garasjen er stappande full. Det står bilvrak og rustar i buskar og kratt, men all plasten tok vinden seg av». Musikalsk bevegar dei seg stadig nærare Cajun/Creole-landskapet. Melodiane er stort sett tradisjonelle henta frå Louisiana av Olav Christer (Laffen) Rossebø sjølv. For dei som har trødd lakkskoa sine på juletrefestar i Bråtveit, er nok Laffen og Bergen Mandolinband kjende namn. Laffen er også kjent frå folkemusikktrioen Geitungen, og dessutan spelte han på den aller første Folk på fredag-konserten!
————
SULDALSVATNET SHANTYKOR
Mark Laurenson (forsongar),
Nils Bergjord, Eskil Nerheim, Arild Vaage, Kåre Olav Bakka, Helge Bakka, Odd Rune Malerbakken og Reidar Sandal (song).
Suldalsvatnet Shantykor er ein gjeng som tek den eldgamle, verdskjende tradisjonen for shantysong med seg til Suldalsvatnet. Med Mark i baugen, gler dei seg til den dagen dei kan ta hyre på Suldalsdampen. Kor lenge det blir til, veit enno ingen heilt, men har du ein rik onkel i Amerika må du gjerne tipsa han for å få fortgang i saken.
____________________________
Gled dykk til denne kvelden med svingande melankoli og hal og dra-songar frå fjorden! Det er open bar, og hugs å halda litt ekstra avstand i sofaen. «Rundt og rundt i baren, rundt og rundt i baren, rundt og rundt i baren, ja se så månge blide folk, ja!»
__________________________________
Har du spørsmål om konsertane/Folk på fredag, kontakt Åshild på tlf 97503463.
Hugs å vaska hender og halda 1-meters avstand. Og er du forkjølt eller kjenner deg litt tufs, anbefaler me faktisk å bruka din eigen sofa akkurat denne fredagskvelden.
Og hugs: neste Folk på fredag blir på nyåret, med programslepp!
____________________________________
Folk på fredag er eit samarbeid mellom Suldal kulturhus, Ryfylkemuseet og Brunsj.

 

Suldalsvatnet Shantykor
Mark Laurenson (forsongar) m/karar
Suldalsvatnet Shantykor ein gjeng mannfolk som tek den eldgamle, verdskjende tradisjonen for shantysong med seg til Suldalsvatnet. Med Mark Laurenson i baugen førebur dei seg til den dagen dei kan ta hyre på Suldalsdampen.

VÄSEN (Sverige)
Olov Johansson (nøkkelharper), Mikael Marin (5-strengs viola), Roger Tallroth (12-strengs gitar)
Olov Johansson og Mikael Marin har spelt saman sidan 1980, då dei var lovande og uvitande tenåringar på veg mot toppen av hierarkiet i den nordiske folkemusikken. På vegen til si endelege form møtte dei Roger Tallroth under eit spelemannsstemne på Røros; og Nordens soleklart mest verdskjende folkemusikktrio var eit faktum. Sidan oppstarten for 31 år sidan har dei spelt eit ukjent tal konsertar på alle kontinent og i alle verdsdelar. Dei har begeistra publikum og ikkje minst inspirert andre musikarar over heile verda. Dei har til og med ei gate oppkalla etter seg i USA, Väsen street, i Bloomington, Indiana!

Musikken deira har røter på landsbygda i Uppland og i dei upplandske skogane. Det er hundre år gamal tradisjon som gjennom felles forståing og fingerspiss-kompetanse vert presentert i elegant gjennomarbeidde arrangement. Musikken er intens og full av humor. Alle desse åra med samspel – og framleis den same spelegleda og inspirasjonen.

FOLK på FREDAG 2020

24. januar
21. februar
17. april
2. oktober
6. november 

——————–

Folk på fredag er eit samarbeid mellom Suldal kulturhus og Folkemusikkarkivet for Rogaland, Ryfylkemuseet.

Bli Medlem