Årets utgåve av FOLK i Ryfylke handlar om lekmannsrørsle og bedehuskultur i Ryfylke. Skriftet er resultat av eit bedehusprosjekt som Ryfylkemuseet har hatt gåande. Eit anna resultat av prosjektet er ei utstilling på galleriet på bedehuset Bethel på Finnøy.
Museet tok i ferde med bedehusprosjektet fordi vi har ei målsetjing om å ta opp tema som har vore og er viktige for utviklinga i Ryfylke. Religion, bedehus og lekmannskristendom er opplagt eit slikt tema. Vi er glade for at vi har fått gjennomført bedehusprosjektet, sjølv om det vart i ei mindre utgåve enn opprinneleg tenkt.
Bedehuset er ein del av Ryfylke-sjela og har sett sterkt preg på regionen. Preget var sterkare før, men bedehus er ikkje berre fortid i Ryfylke, det er også levande notid. Verdiane frå bedehuset har prega tankar og haldningar hos fleire generasjonar av ryfylkingar. Forkynninga på bedehuset var noko folk ikkje kunne stilla seg likegyldige til. Når bedehusrørsla var på sitt sterkaste, var ho ein premissleverandør for folk sine verdival. Alle hadde eit forhold til bedehuset, ingen var likegyldig. Gjennom Tone Årtun si framstilling i denne årboka blir du nærare kjend med bedehuskulturen i Ryfylke.

Pris kr 300,- (frakt kjem i tillegg).

Du kan kjøpe boka i museumsbutikken på Nesasjøhuset.

Bøkene kan også tingast her.

INNHALD

Desse artiklane finn du i årboka, i tillegg til årsmeldinga.

Innleiing

Kristendom i Ryfylke før 1800

Haugianismen

Associationer

Kristenfolket i Ryfylke kring 1850

Lars Oftedal

Rosenianismen

Sven Foldøen

Verdiar og handlingar på bedehuset

Kvinnene sin plass

Bedehus og ungdomslag

Korleis blir vekkinga til?

Kan det komma vekkingsbølgjer i dag?

Bedehuset og aktiviteten – Før og nå

Bedehuset og Ryfylkingen i dag

Kjelder

102 bedehus, eit oversyn