Jonegarden på Hustveit

Det er mange bygningar på Jonegarden på Hustveit, i tillegg til våningshus, folgehus og løe, er det eit eldhus, jordkjellar av naturstein, og vannhus på garden

Den moderniseringa som ein fekk på gardane i mellomkrigstida, og særleg etter krigen, kom aldri til Jonegarden på Hustveit. Det er til dømes aldri brukt kunstgjødsel eller motorisert reiskap på garden. Marka kring garden er i dag klassifisert som landskapsvernområde, og det er sett opp ei eiga plansjeutstilling om kulturlandskapet langs turvegen.

Ryfylkemuseet har i dag ansvaret for ein stad mellom 10-14 bygningar på Jonegarden på Hustveit, og i tillegg til våningshus, folgehus og løe, er det eit eldhus, jordkjellar, og vannhus på garden. Dei fleste (mindre) bygningane er stavbygg, men det er og to lafta bygningar og ein jordkjellar av naturstein. Den eldste bygningen på garden er «Tysselandsløa», med bygningselement tilbake til slutten av 1600-talet. I tillegg til bygningane er Jonegarden på Hustveit også omgitt av eit unikt kulturlandskap, og området er i dag eit freda landskapsvernområde. Ei viktig årsak til dette er at moderniseringa og mekaniseringa av landbruket på byrjinga av det tjuande hundreåret aldri nådde Jonegarden på Hustveit, og jorda har difor ikkje vore utsett for verken kunstgjødsel eller større landbruksmaskinar.

Etter ein liten 10 min. spasertur langs den gamle ferdselsvegen til Kvednafossen, finn ein eit fint anlegg med kvernhus, korntørke, sag m.m.

Vassrenna til saga blei fjerna då den var sett på som ein sikkerhetsrisiko, den var òg komme ut av stilling og spruta vatn på saga. Saga har større kulturhistorisk verdi, medan vassrenna var ein reproduksjon. No er arbeidet på sikt retta mot å få midlar til å sette opp ny vassrenne.

Eit par timars gange frå garden ligg stølen som òg er open for publikum.