Kolbeinstveit
I sommarsesongen er Kolbeinstveit ein levande museumsgard med dyr og vertskap som tek i mot besøkande. Her blir det omvisingar, marknadsdag, konsert og aktivitetsdagar. Følg med på nettsida for oppdatert...
Adresse
Suldalsvegen 1995, Suldalsosen
Opningstider
Sommarsesongen 2025 er under planlegging.
Omvising er mogeleg utanom sommarsesong, sjå Bestill omvising
Prisar
Gratis inngang i tunet.
Inngang i utstillingane/husa kr 150,-
I sommarsesongen
er Kolbeinstveit ein levande museumsgard med dyr og vertskap som tek i mot besøkande. Her blir det omvisingar, marknadsdag, konsert og aktivitetsdagar. Følg med på nettsida for oppdatert informasjon.
Når du kjem inn på tunet trør du 150 år tilbake i tid
Hovudbygningane i tunet er stovehuset og løa som blei sett opp her rundt 1850
Aktiviteter
Tunet eignar seg for barn, me har gamle leiker, høy til å hoppa i og gamaldagse klede til å kle seg ut i.
I tillegg er det dyr på garden, i år har me lam og så treff du hanen Pål og hønene hans. Hønene til Pål lagar dei flottaste egga du nokon gong kommer til å få sjå og kanskje kan du til og med kan få med deg eitt egg heim?
I 2022 fekk me ein ny aktivitet på garden, lafting av hus og ungane elskar det.
Utstillingar
Den faste utstillinga «Garden og folka» fortel om dei som har levd på Kolbeinstveit, og korleis dei har brukt husa og utnytta ressursane på garden
Guggedalsloftet
Midt på tunet står Guggedalsloftet. Det kjem opprinnelig frå Bråtveit i Suldal. Den øvste delen av loftet er datert 1281, medan den nedste er frå rundt 1340
Dette er den eldste bevarte trebygningen i Rogaland. Det er såleis ein unik del av bygningsarven og eit viktig kulturminne
Her kan du sjå eit bildespel om Guggedalsloftet.
Torvtaket er erstatta med bølgeblikk pga. fare for rasing av konstruksjonen under vekta av torvtaket. Rørsler i grunnen blir overvåka. Bølgeblikktaket er eit midlertidig tiltak for å berge bygget, til vi har fått på plass finansiering og godkjenning av Riksantikvaren for eit større restaurerings- og istandsettingsarbeid
Mat
Ta med nistepakke, me byr på kaffi.
Tilkomst
Kolbeinstveit ligg mellom Preikestolen og Trolltunga, like ved Rv 13, Nasjonal Turistvei, 2 km forbi Suldalsosen på høgre side – i retning Røldal.
Parkeringsplassen finn du på andre siden av vegen. Frå parkeringsplassen går du på turveien som går forbi fossen med ulike kvernhus på Tveitåno. Krysser du vegen kjem du til Gamlatveit, som er den originale plasseringen til gården Kolbeinstveit. Gården vart flytta i 1800 åra, og er i sommarsesongen ein levande museumsgård
Fleire av torvtaka til bygningane på Tveitåno var i så dårleg forfatning at dei måtte fjernast. Bygningane har fått eit midlertidig tak av bølgeblikk til ressursar er på plass til eit større restaureringsprosjekt
Området har også mange skilta turstiar. Sjå Ut.no
