Bunadsglede – våren 2026
Suldal Husflidslag og Ryfylkemuseet er klare for ein ny sesong med bunadsglede. Kveldane blir på same måten som me hadde i haust, med nye og spennande tema. Fram til konfirmasjonstider og 17. mai, får me læra meir om stell og vedlikehald av bunadsskjorter og bunadssølv. Bunadskafeen etter fagdelen, er ein uformell møtestad for folk flest, som har lyst til å dela bunadsgleden sin med andre. Alle har me ulike kunnskaper og erfaringar, og saman får me ein triveleg og lærerik kveld.
Prosjektet Bunadsglede frå Norges Husflidslag, skal auka kunnskapen om bunad og spreia entusiasme for tradisjonshandverk. Alle som ønskjer skal kunna ta del i sine lokale, ofte heilt særeigne, tradisjonar. Ein ønskjer særleg å få med ungdom og unge vaksne.
Målet er at fleire skal bli kjent med eigen kulturarv, og få prøva seg på ulike teknikkar brukt i bunadene, for å senke terskelen for å brodera, sy og reparera bunaden sjølv.
Torsdag 21. mai kl. 18
Frå Løland til Fæbrikstad – William Riedlinger
– ein uformell rundtur i utviklinga frå folkedrakt via bunad til festdrakt.
Husflidskonsulent William Riedlinger tek oss med på ei reise gjennom Rogalands meir eller mindre kjende bunadshistorie. Me får ein enkel presentasjon av dei ulike draktane og bakgrunnen for dei.
Etter denne rundturen, har me ein meir uformell Bunadskafe der me deler Bunadsglede, og kanskje også litt frustrasjonar i nokre tilfelle.
Dette blir siste arrangmentet i serien Bunadsglede – fagleg tema og bunadskafe.
Bunadsglede er eit samarbeid mellom Ryfylkemuseet og Suldal Husflidslag.
Alle interesserte er hjarteleg velkomne!
Tid: 18.00
Stad: Nesasjøhuset på Sand
Pris: 100 kr.
DATOAR FOR for våren 2026:
Torsdag 19. feb. kl. 18
Ryfylkedrakten v/Grete Holmboe
Første kvelden får me ein presentasjon av Ryfylkedrakten ved Grete Holmboe.
Det er Bunadsnemnda i Rogaland Ungdomslag som har arbeidd fram Ryfylkedrakten. Dei starta med å samla kjeldemateriale og rekonstruera kvinnebunaden frå Ryfylke med stripestakken i 1980. Bunaden blei første gong presentert i 2007, og bunadnemnda har sidan halde kurs kvart år.
Grete Holmboe har deltatt på fleire av desse kursa og har sydd Ryfylkedrakt både til seg sjølv og til barnebarna.
Torsdag 19. mars kl. 18
Stell og vedlikehald av bunadssølvet v/Arne Magnus Johnsrød
Den store bunadsesongen nærmar seg, med konfirmasjonar og 17. mai. Det er lurt å sjå over bunaden i god tid før den skal brukast, så har du tid til å setja inn tiltak der det måtte trengast.
Bunadsglede i mars har invitert gullsmed Arne Magnus Johnsrød til å snakka om stell og vedlikehald av bunadssølvet. Han driv Gullsmia i gata på Sand, og utfører det meste av reperasjonar og bestillingar i både sølv og gull. Denne kvelden vil han fortelja oss korleis bunadsølvet kan takast vare på, og best kan haldast vedlike. Han viser oss også kva me kan gjera sjølv ved hjelp av hjelpemidler og verktøy den enkelte kan ha for hand heime.
Etter Johnsrød sin presentasjon, blir det, som vanleg, Bunadskafé som er ein uformell møtestad for folk flest, som har lyst til å dela bunadsgleden sin med andre. Alle har me ulike kunnskaper og erfaringar, og saman får me ein triveleg og lærerik kveld. Alle interesserte er hjarteleg velkomne!
Torsdag 23. april kl. 18
Stell av bunadsskjorte og litt om kniplingar v/ Målfrid Husebø
Siste innspurt for stell og vedlikehald av bunaden før konfirmasjonar og 17. mai.
Denne gongen får me besøk av Målfrid Husebø frå Sola som vil visa oss korleis me best kan ta vare på bunadsskjorta vår. Det treng både vask og omsorg for å halda seg fin og kvit, og å vare lenge. Målfrid er medlem av Norsk Linforening og har mykje kunnskap om lin og lintøy. I tillegg til bunadsskjorta, vil ho ha med seg knipleputa si, som er hennar gode venn. Der tryllar ho fram både pynteband og mykje anna fint.
Etter temadelen blir det Bunadskafé der ein meir uformelt kan arbeida med sine ting, utveksla kunnskap og erfaringar.
Bunadskafeen er ein uformell møtestad for folk flest, som har lyst til å dela bunadsgleden sin med andre. Alle har me ulike kunnskaper og erfaringar, og saman får me ein triveleg og lærerik kveld. Før me slepper oss heilt laust med kaffi og kaker, vil me som vanleg ha ei økt med bunadsfagleg påfyll.