Ryfylkehumoren er tittelen på årboka til Ryfylkemuseet for 2023

I år har me hatt redaksjonell hjelp av Hjørdis Halleland Mikalsen og Leif Arild Steen, den eine journalist, den andre humorist. Begge frå Finnøy.

Allereie i forordet deira kjem Ryfylkehumoren til sin rett, dei er på veg til Sand og har oversett ei vegsperring og blir bryskt stoppa av ein vegarbeidar:

Leif Arild stotrar.

– Me visste ikkje at det var vegarbeid her …, seier han spakt.

Men her er ingen formildande omstende.

– Det står eit ganske så tydeleg skilt lenger oppi vegen der. Såg du ikkje det?!
– Jo, men …, altså …

Og det er då det skjer. Leif Arild gjer eit grep som snur heile samtalen.

– Det er berre å beklaga, altså. Men du veit, seier han og nikkar i mi retning.
– Me kjem frå Finnøy. Og der er me litt sånn …

Han lagar sirklar med peikefingeren like ved tinningen medan det glimtar skøyaraktig i augnekroken. Det skjer noko med andletet til vegarbeidaren. Det irriterte uttrykket sprekk opp i eit stort smil.

– Å ja, då så. De kjem frå Finnøy. Det forklarar saka!

Isen er broten. Våpena er lagde ned.

Resten av historia finn du i Årboka 2023

____________________________________________________________________________________________

I Årboka 2023 fortsett me med «magasinkjensla» og håpar du vil lika den.

Pris kr 250,- (frakt kjem i tillegg).

Du kan kjøpe boka i museumsbutikken på Nesasjøhuset.

Bøkene kan og tingast her.

INNHALD

Desse artiklane finn du i årboka, i tillegg til årsmeldinga.

• Ryfylkekart
• Innhald
• Forord ved Ryfylkemuseet
• Redaktørar heilt på tur på tur
• Slik det heile starta, teikneseriestripe av Karen Hiim Benninghoff
• Ryfylkehumoren for dummies
• Ei historie om hår og humor
• Om helse og humor: Livet blir aldri så svart at det ikkje er rom for humor. Portrett av Eivind Vestbø og Aslak Bråtveit
• Skattar frå arkivet
• Enquete
• Refleksjonar kring humor og humør av Arne Nordbø
• Aggregat på sjølvstyr av Arne Nordbø
• Unge røyster frå Ryfylke. Eit intervju med Finnøypodden
• Humorarkeologane: Høyr Ryfylkemuseets podkast om ryfylkehumoren (reklame)
• Ei hyllest til ryfylkekvinna
• Ei ryfylkekvinne fortel si historie: Humor er terapi
• Audun Skanke: Oppvokst på bergsugge og helvetesangst
• Humor i generasjonar: Eplet fell ikkje langt frå stammen. Portrett av far og dotter frå Helgøy
• Sluttord